إذا ناوي تزور كوريا، في شغلات لازم تكون عارفها، مش بس عن الأماكن الحلوة أو الأكل الطيب… كمان عن آداب المائدة، لأنها جزء كبير من ثقافتهم.

الأدب على الطاولة مش بس "إتيكيت"، هو احترام وتقدير للناس اللي قاعدين معك، خاصة الكبار.

👴🏼 أول شي: احترم الكبار

في كوريا، الكبير إله مكانة. ما بتبلش بالأكل إلا لما هو يبلّش. وبتحاول تساعده توزع الأدوات أو تسكبله الشوربة مثلًا. حتى لو كنت جوعان، شويّة صبر ما بتضر 😉.

🥢 كيف تستخدم العيدان والملعقة؟

العيدان للأكلات الجانبية.

الملعقة للرز والشوربة.

وإياك تحط العيدان واقفين بصحن الرز، هاي الحركة عندهم بتذكّرهم بالجنائز 😬.

🍚 لا ترفع الصحون

بعكس بعض الدول الآسيوية، الكوريين ما برفعوا صحونهم عن الطاولة، خليهم مكانهم واستخدم الملعقة بهدوء.

🗣️ عبارات لازم تتعلمها

قبل الأكل:

잘 먹겠습니다 (جال موك كيسم نيدا) – يعني "رح آكل منيح" أو شكرًا للطعام.

بعد الأكل:

잘 먹었습니다 (جال موك أوسم نيدا) – شكرًا، أكلت منيح.

🍻 لما تشرب مع الكبار؟

ما بتصب لنفسك الشراب. خليه هو يصبلك، ولما تشرب، لف وجهك شوي كاحترام.

🧼 النضافة

ما تنضّف مناخيرك عالطاوله، وإذا بدك تعطس أو تسعل، غطي تمّك ولف وجهك. ببساطة: خليك نظيف وأنيق.

🍽️ شو استفدنا؟

التفاصيل الصغيرة هاي بتخليك تحترم ثقافتهم، وبتبين إنك شخص واعي ومحترم.

🎯 ليش حبيت كوريا؟

إذا ناوي تعيش التجربة الكورية كاملة – من الأكل للشوارع للثقافة – "حبيت كوريا" هي خيارك الصح!

منساعدك تنسّق رحلتك، نحجزلك مطاعم تقليدية، ونوصلك لأماكن بتعيّشك الحياة الكورية على أصولها!

📩 تواصل معنا، وخلي رحلتك غير شكل مع "حبيت كوريا" 💖