لما تفكر تزور كوريا، أكيد أول شي بخطر عبالك سول، الأضواء، والسرعة. بس بجولتنا مع "حبيت كوريا"، حبّينا نعيّش أصحابنا تجربة أعمق وأهدى… تجربة النوم ببيت كوري تقليدي اسمه "هانُك".
🧳 الوصول لمنطقة جونجو
طلعنا على قرية هادية قريبة من جونجو، معروفة ببيوتها القديمة اللي لساتها محافظة على الطراز الكوري. الشوارع هادية، السقوف مقوّسة، والريحة… كلها خشب وشاي.
دخلنا بيت "هانُك" وكإننا رجعنا بالزمن. مافي تخت، بس أرض مدفّية (أوندول) وفرش مريح، وأبوابها من ورق يتحرك مع نَسمة الهوا.
👵 استقبال دافي من ست كورية
ست كبيرة بالسن استقبلتنا بابتسامة حنونة وكاسة شاي شعير. ما حكينا نفس اللغة، بس من عيونها وحركاتها فهمنا كل شي. كانت فعلاً زي تيتا!
👘 عيشنا الحياة الكورية
لبسنا "هانبوك" (اللبس الكوري التقليدي) وقضينا العصر نتعلّم أشياء بسيطة بس حلوة — كيف نلف القماش، نكتب أسمائنا بالكوري، ونسترخي بهدوء. اللحظات كانت كلها سكون وسلام.
🍲 عشا كوري بيتي
مع غروب الشمس، قعدنا على الأرض وتناولنا عشا من تحت دياتها:
بيبيمباب خضار
بيض متبل بصويا
كيمتشي من الآخر
أكل بيشبِه الحنية والبيت.
🌙 ليلة هادية بين الخشب
بعد العشا، قعدنا على الشرفة الخشبية نشرب شاي، نحكي، ونسمع صوت الهوا. مافي تلفونات. بس حكي وضحك وراحة نفسية.
✨ الخلاصة
لو ناوي تزور كوريا، جرّب تنام ليلة ببيت "هانُك". هالبيت مش بس مكان تنام فيه… هو إحساس. هدوء، روح، وتجربة رح تضل ببالك.
— مع حبنا، من مرشدي حبيت كوريا.
الانجليزية
العربية