🍢 أكلات الشارع الكوري: غريبة، لذيذة، ويمكن تصدمك!

لما تمشي بشوارع كوريا مثل ميونغدونغ أو هونغدي، ريحة الأكل بتلفك من كل زاوية. أصوات الباعة، الناس بالطوابير، الدخان الطالع من العربات… كل شي بيحكي: جربني!

بس لحظة، مش كل شي شكله لذيذ هو فعلاً مناسب لإلك – خصوصاً لو أول مرة تزور البلد!

خلينا نعرّفك على بعض من أشهر (وأغرب) أكلات الشارع الكوري:

🐙 1. الأخطبوط "الحي" – سان ناكجي

مش فعلاً حي، بس بتحسّه!

بيقدمولك الأخطبوط وهو طازج لدرجة إنو لساتو بيتحرك عالصحن! بينقطع قطع صغيرة وبينرشوا عليه زيت سمسم…

التحدي؟ تمسك القطعة بالعصيان قبل ما "تهرب"!

الطعم؟ مطاطي، بس منعش – لعشاق المغامرة فقط!

🐟 2. بونغو بانغ – السمكة اللي مش سمكة

شكلها زي السمكة، بس هي فعليًا نوع من الكيك المحشي!

جواتها إما كاسترد، أو معجون فاصوليا حمراء.

تتاكل وهي سخنة، وبتدفّي من أول لقمة.

أنسب خيار حلو لعشاق الصور والدفا!

🌭 3. سوندي – السجق الغريب

هاي للأشخاص اللي بيحبوا يعرفوا كل مكون!

سوندي هو سجق محشو بدم الخنزير، نودلز، وأرز…

طعم قوي، وناس كثير بتحبه.

بس للمسلمين: ابتعدوا عنه، لأنه مش حلال .

🍯 4. كوانغياك – تحفة العسل

حلوى نادرة وغريبة!

شكلها مثل كرة من الخيوط، بس جواتها عسل بيذوب بالفم.

مصنوعة يدويًا، والعاملين بيعملوا استعراض قدّامك كيف بيسووها!

الفيب؟ حلو، خفيف، وفني.

🐛 5. بونديغي – حشرات مطبوخة!

أيوه، قرأت صح!

هي يرقات دودة القز، مسلوقة، وتنطبخ مع صوصات معينة.

ريحتها قوية، وطعمها… للناس المغامرين جداً.

إذا مو حاب تجرب، عالأقل خد صورة وانشرها لأصحابك عالستوري! 😂

✅ نصيحة من "حبيت كوريا":

قبل ما تشتري من أي عربة شارع، اسأل عن المكونات!

بعض الأكلات تحتوي على لحوم أو صوصات غير مناسبة، خصوصاً للمسلمين أو النباتيين.

وإذا حاب تجرب الآمن واللذيذ من هالأكلات بدون ما تقلق، احجز جولة أكل شوارع معانا –

نوصلك، نترجم، ونختارلك الأطيب!